Máis sobre o cambio climático (30.9.2019)

O 27 de setembro pasado producíronse en todo o mundo mobilizacións estudiantes, e doutros sectores sociais, para presionar as autoridades sobre a necesidade de tomar medidas contra un cambio climático, xa imparable en varias das súas consecuencias.

Os seguintes gráficos, que proceden do xornal ElPaís, permiten entender que significa realmente o cambio climático na súa verdadeira dimensión:

 Variación do tamaño dun glaciar en Islandia

Variación do nivel do mar

Para empezar, o cambio climático

Esda.: Retrato de Humboldt (1806) por Friedrich Georg Weitsch. Dta.: Greta Thunberg

Nada hai máis actual que o pasado. As consecuencias do que facemos (que xa é pasado) condicionan o noso futuro. O cambio climático é unha mostra.

A reportaxe sobre Alexander von Humboldt (1769-1859) que podes ler se pinchas aquí , fala deste personaxe que viviu entre o século XIX e o XIX, cando arrancaba a revolución industrial e a época dos combustibles fósiles, que estudaremos na nosa materia. Relacionado Federico IV, un rei prusiano que foi símbolo do despotismo ilustrado (outro concepto que traballaremos neste curso), Humboldt foi un sabio de coñecementos enciclopédicos que relacionou o cambio climático coa actividade do ser humano.

250 anos máis tarde, cando se conmemora o nacemento de Humboldt, existe un movemento mundial, Fridays for future, que protesta contra o cambio climático. Está encabezado por Greta Thunberg, unha estudanta sueca, unha muller, nada en 2003. Fálase xa da “Xeración Greta”.

Bogotá, 20 de setembro de 2019. Fotografía de Luisa González (Reuters)

El silencio de otros

O día 1 de abril de 1939, Francisco Franco asinaba o derradeiro parte da Guerra Civil:

“En el día de hoy, cautivo y desarmado el Ejército Rojo, han alcanzado las tropas nacionales sus últimos objetivos militares. La guerra ha terminado. El Generalísmo Franco. Burgos, 1 de abril de 1939”.

Remataba a guerra, pero non empezaba a paz. A represión franquista, que comezara en xullo de 1936, proseguiu ata a morte do ditador.

Aínda en 2019, moitos familiares non coñecen onde están enterrados os represaliadas e represaliados. O xoves 4 de abril, La 2 de TVE emite El silencio de otros (Almudena Carracedo e Robert Bahar, 2018), documental sobre a loita das vítimas do franquismo e os seus familiares por rescatar a súa historia do esquecemento. Elsilencio de otros recibiu o Premio Goya ao Mellor Documental, entre outros galardóns.

They Shall Not Grow Old (Peter Jackson, 2018) (28.3.2019))

Debemos ser críticos coas fontes e a información que recibimos a través dos documentos, dos libros, da prensa, das redes sociais. Temos que ler toda a información, contrastala, saber a súa procedencia.

Na clase vimos un fragmento do documental They shall not grow old (Peter Jackson, 2018 ). Trátase de imaxes da Primeira Guerra Mundial reais e, ao mesmo tempo, manipuladas porque foron coloreadas e porquese lles engadiu son. A técnica de edición está tan desenvolvida na actualidade que permite este tipo de modificacións dos documentos que utilizamos como fonte de información. Iso debe facernos críticas coa información.

Para ver un fragmento do documental pincha aquí. 

8 de abril: Día Internacional do Pobo Xitano

O Día Internacional do Pobo Xitano conmemorase el 8 de abril. A data fai referencia ao Primeiro Congreso Mundial romaní/xitano celebrado no ano 1971. Daquela instituíuse a bandeira e o himno xitanos.

A bandeira, verde e azul, simbolizan o ceo e o campo; a roda vermella representa unha roda de carro, que simboliza o camiño dende a India á liberdade.

O himno xitano, Gelem, gelem (Camiñei, camiñei), lembra as xitanas e xitanos vítimas do nazismo.

Monumento ao holocausto xitano en Berlínhttps://www.visitberlin.de/es/monumento-los-gitanos

A Fundación Secretariado Xitano, que forma parte do IES do Milladoiro, invita a toda a comunidade escolar á acercar a coñecer a súa campaña Lecciónxitana, que nos aproxima a un mellor coñecemento da historia e da actualidade do pobo xitano.

Na aula virtual da materia podes atopar un interesante material sobre a historia do pobo xitano.

A homofobia no mundo

https://elpais.com/sociedad/2019/03/19/actualidad/1553026147_774690.html

Baixo o título de  Pensar históricamente, no primeiro trimestre do curso, dedicamos unha clase a falar da homofobia. A prensa do mes de marzo de 2019 presenta un informe sobre a homofobia no mundo. Como se pode observar no mapamundi, a a lexislación sobre as persoas LGTBI vai dende a aceptación ata a pena de morte.

Green book (Peter Farrelly, 2018)

Green book (Peter Farrelly, 2018) é un film estadounidense que gañou en 2019, entre outros premios, os Óscar á mellor película e o de mellor actor de reparto (Mahershala Ali). A película reflicte a segregación racial, o racismo, existente nos Estados Unidos nos anos sesenta, fenómeno que tiña xa moitas décadas e que aínda non desapareceu nun país que se presenta como unha das democracias máis asentadas no mundo. De feito, o “green book” era unha publicación que recompilaba os hoteis e restaurantes que eran accesibles ás persoas afroamericanas nos estados do Sur do país. A banda sonora, que recolle temas musicais da época é magnífica.

Neste mesmo blog podes atopar outras entradas sobre o racismo:

Os homes libres de Jones

I am not your negro

Podes ver tamén Selma

Podes ver un fragmento de Green book en youtube.

Para máis información sobre Green book: Numax e Filmaffinity